Davao de Oro LGU magmontar og dugang isolation facility

Davao de Oro – Gi-awhag karon sa mga sakop sa Provincial Task Force COVID-19 sa probinsya sa Davao de Oro ang mga Local Government Unit (LGU) nga magmontar og isolation Facility alang sa quarantine sa mga dunay sintomas sa COVID-19 ug mga Overseas Filipino Workers (OFWs) nga mopauli sa Probinsya.

Sumala ni Dr.Mary Cyrel Pasaol, Assistant PG Provincial Health Officer Davao de Oro, kinahanglan ang isolation facility aron mapugngan ang pagkuyanap sa virus sa lalawigan.

Nagpadayon ang gihimong assessment ug evaluation sa mga gimugnang isolation facility sa mga kalungsoran aron masiguro ang pagsunod sa mga health protocols nga gitakda sa mga sakop sa bantay panglawas.

RadyoMaN Jules Catisay