Davao de Oro – Mitaas karon ang kaso sa Coronavirus Diseases 2019 (COVID-19) sa probinsya sa Davao de Oro, 300 ka mga aktibong kaso ang natala sugod niadtong Mayo 30, 2021 hangtod Hunyo 1 subay sa datus sa Davao de Oro LGU.
Adunay 1,956 ka mga individual ang nataptan sa maong balatian niadtong Marso 2020, samtang 66 ang nakabsan sa kinabuhi.
Base sa monitoring, ang mga gatherings o tapok-tapok ang hinungdan sa pagtaas sa kaso sama sa fiesta, lamay, birthday party ug ubang matang sa panagtapok sa katawhan.
Sama sa normal na ang kalihokan sa mga tawo nga milatas na gikan sa nagkalain-laing lugar nga maoy hinungdan sa padayong pagtaas sa kaso.
Padayong gipahimangnoan ang tanan nga mosunod sa health minimum standard sama sa pagsuot sa face mask, face shield, pagtuman sa social distancing aron masegurong luwas ang katawhan gikan sa lokal transmission sa coronavirus disease (COVID-19).
RadyoMaN Jules Catisay
