Davao City – Nagmalinawon ang gilusad nga plebisito tumong ang pag-konvertir sa pangalang ‘Compostela Valley Province’ ngadto sa bag-ong bansagon nga ‘Davao de Oro.’
Sumala ni Philippine National Police (PNP) Regional Director Gen. Filmore Escobal, wala silay nasagap nga mga untoward incidents atol sa maong aktibidad gumikan usab sa hugot nga koordinasyon nila sa PNP uban sa Commission on Election (COMELEC), Davao de Oro LGU ug AFP ingon man ang uban pang mga auxiliaries ug mga force multipliers.
Personal nga gibisita ug gisuta ni Escobal ang mga naka-deploy nga tropa diha sa nagkadaiyang mga polling precincts ingon man sa uban pang vital installations nga target sa mga dautang grupo.
Matud ni Escobal, mokabat sa 600 ka mga PNP personnel ang gi-deploy ngadto sa 286 ka mga presinto aron pagseguro nga luwas ang tanang mga botante.
“Nevertheless, we still (will) not let our guards down. Patuloy pa rin ang aming pinapatupad na maximum security coverage just to ensure that this will end peacefully and (in) orderly (fashion) until the plebiscite period is lifted,” segun sa hefe-rehiyunal sa kapulisan.
RadyoMaN Jason Amisola
