Davao City – Ginakunsidera karon sa gobyerno sa Davao de Oro ang eskwelahan isip alternatibong pasilidad sa quarantine area sa mga Persons Under Investigation o PUIs sa COVID-19.
Kini ang gibutyag ni Davao de Oro Governor Tyron Uy atol sa interview kaniya sa Davao City Disaster Radio.
Sumala niini nga usa kini sa ilang nameetingan uban ang PLGU-Davao de Oro ug ang tanang municipal local governments diin usa sa mga pwedeng gamiton mao ang skwelahan ilabi na nga way klase karong panahona.
Matud pa nga panahon nga kinahanglanon na, mag-identify na sila og usa ka skwelahan ug didto pwede ibutang ang mga PUIs nga nakasinati og mild symptoms.
Ang maong lakang subay sa panawagan ni Davao City Mayor Inday Sara Duterte-Carpio nga mamahimong magbutang og PUI quarantine area ang mga probinsya.
RadyoMaN Renz Barbarona
