Davao City – Hugot nga ipatuman sa probinsya sa Davao del Norte ang mga guidelines ilawom sa General Community Quarantine (GCQ) epektibo sugod kagahapong adlawa (Hunyo 10, 2021) hangtud Hunyo 30, 2021.
Kini subay sa gipagula ni Davao del Norte Governor Edwin Jubahib nga Executive Order (EO) No. 26 Series of 2021.
Usa sa ipatuman mao ang curfew gikan alas-9 sa gabii hangtud alas-4 sa buntag. Mamahimo lamang usab nga makapalit og ilimnon gikan alas-9 sa buntag hantud alas-6 sa gabii.
Padayong gidili ang mass gathering ug ang pagpahigayon sa aktibidad partikular na ang kasal, bunyag, blessing hangtud Hunyo 30.
Nag-unang hinungdan sa pagpailawom sa GCQ sa Davao del Norte mao ang pagtaas sa kaso sa COVID-19 labi na sa luag nga guidelines ilawom sa MGCQ.
Alang sa kumpletong detalye sa GCQ Guidelines, bisitaha lamang ang link : www.facebook.com/106777350891223/posts/318019246433698/
RadyoMaN Kirby Manzon
