Atol sa senate hearing ug sa gipagula niyang pamahayag, iyang gibutyag nga niadtong 2021 kung kanus-a gituohang nagsugod ang pagpanglimbong, dili pa siya public servant.
Ug kung tumong sa isyu nga dautan siya o undangon ang nasugdang pagpanerbisyo sa katawhan, matud niya dili kini mamahimong babag sa iyang paghatag og maayong serbisyo pinaagi sa mga programa ug aktibidades alang sa kaayohan sa katawhan sa DavNor.
Kini human nga gituki ni Davao del Norte Governor Edwin Jubahib sa senado ang giingong mga anomaliya sama sa pagkaltas sa gihatag nga Assistance to Individuals in Crisis Situation (AICS), educational assistance, ayuda sa kasalang bayan ug uban pang hinabang gikan sa Department of Social Welfare and Development (DSWD) ug Department of Labor and Employment (DOLE).
Gani miabot sa senado ang nagpailang mga biktima ug testisgo kinsa miangkon nga staff mismo ni Uy ang nagsugo sa ilaha nga kuhaan og nilibo ang ayuda ug adunay panahon nga mameke silag I.D aron i-claim ang ayudang wala pa nakuha.
Tungod niini, buot maglusad og nationwide investigation ang senado tungod sila nagduda nga dili na kini pamulitika kung dili sindikato na.
RadyoMaN Ivy Parido
