Davao Eagles nanawagan og suporta

22

Davao City – Pag-ampo ang usa sa mga mahatag nga suporta sa mga taga rehiyon XI alang sa mga delegados sa Davao region sa Palarong Pambansa 2018.

Kini ang giingon ni Department of Education kun DepEd XI spokesperson Jeneilito “Dodong” Atillo atol sa interview sa DXDC RMN Davao.

“Pag-ampo unang-una para sa seguridad sa delegasyon nga layo ug luwas sa mga kadaot ug iampo nato nga samtang magdula ang atong mga atleta luwas usab sa bisan unsang mga problema”, sigun ni Atillo.

Dugang ni Atillo nga gawas sa pag-ampo sa kaluwasan sa mga atleta, i-apil usab nga mauli ang kadaugan bisan rank 7 o mas maayo og maapil sa magic 5 ang Davao eagles karong tuiga.

Sa karon, nangabot na ang mga atleta, coaches ug chaperons sa Vigan Ilocos Sur diin asa ipahigayon ang maong paugnat sa kusog aron usab masinati ang area ug mastudyuhan ang playing venues ayha magsugod ang Palaro.

Karong umaabot nga adlawng Domingo, Abril 15 ipahigayon na ang opening ceremonies sa maong paugnat sa kusog.

RadyoMaN Renz Barbarona

Facebook Comments