Davao City – Mamahimo na nga masilotan ang mga indibidwal nga magpasagad o mag abuso sa paggamit sa bag-ong Food and Medicine (FM) Pass nga gamiton sa syudad sa Davao.
Kini human nga napasar ang FM Pass Ordinance sa 3rd ug final reading sa 19th Davao City Council kagahapong adlawa (December 15, 2020) diin mamahimo’ng maka multa og P5,000 ang magpasagad og gamit niini.
Nasayran nga gisugdan na ang distribusyon sa bag-ong FM Pass sa mga barangay nga maoy gamiton sa Davaoeños sa pagpalit ug pagkaon ug tambal diin tumong ug tuyo niini nga ma kontrola ang paggawas sa tawo ug malikay sa Coronavirus Disease 2019 (COVID-19).
Kahinumduman nga dagha’ng mihangyo nga ibalik ang FM Pass human nga nagkataas ang kaso sa COVID-19 sa dakbayan.
RadyoMaN Kirby Manzon
