Davao City – Gihangyo karon sa heath officials ang mga Dabawenyo nga lakip sa listahan nga prayoridad sa COVID vaccine nga magpalista na ug dili mutuo sa mga huhungihong bahin sa dili maayong epekto sa bakuna.
Kini ang panawagan ni Dr. Ashley Lopez, Focal Person sa Davao City COVID-19 Task Force atol sa interview sa Straight to the Point Morning Edition sa DXDC 621 RMN Davao.
Sumala ni Lopez, maayo ang assessment sa gilusad nga 3rd Simulation Exercise sa pag-transport sa COVID vaccine dinhi sa syudad sa Davao kagahapon nga gitutukan sa Davao Local Government Units diin anaa ang presensya ni Davao City Mayor Sara Duterte-Carpio, Presidential Spokesperson Atty. Harry Roque, ug uban pang opisyales.
“So far, gamay nalang (areas of improvement), number 1 sa registry nga himuon kay tungod naay technical adjustment nga gihimo ang national government, ang DOH. Nevertheless ang City is almost done with master listing ,” segun ni Doc Lopez.
Samtang gisiguro sa National Government nga suportado ug prayoridad ang Davao City sa COVID vaccination program.
RadyoMaN Renz Barbarona
