Davao City – Miarangkada kagahapong adlawa dinhi sa dakbayan sa Davao ang “Bakunahang Bayan: PinasLakas Special Vaccination Days”.
Sumala ni Dr. Zamzam Zailon, City Health Office Vaccine Sub Cluster Head, lima ka adlaw kini nga aktibidad aron muakomodar sa Davaoeños subay sa direktiba sa pagkab-ot sa 90% sa A2 o Senior Citizen samtang 50% usab nga pag increase pa sa booster dose coverage diha sa total target population una pa man ang October 8, 2022.
Giawhag ni Zailon ang publiko nga magpabakuna ug katong wala pa makapa-booster shots sa vaccination areas.
Dugang proteksyon kini batok COVID-19 virus karon nga optional na ang pagsuot og face mask sa public places.
Abli usab ang People’s Park Vaccination sa mga buot magpabakunang nag-edad 5 anyos pataas gikan Lunes hangtod Sabado.
RadyoMaN Aimee Guinita
Facebook Comments
