Davao City – Hugot nga gipahimangnoan karon sa lokal nga panggamhanan ang mga operators nga dili makadawat og asistensiya kung ibaligya niini ang ilang mga prankisa panahon nga hingpit ipatuman ang High Priority Bus System (HPBS).
Sumala ni Atty. Tristan Dwight Domingo, assistant Davao city administrator for admin, nga gidili gayud kini sa balaod.
Pagpasabot niini nga mamahimo kining ma-disqualify aron makadawat og asistensiya gani ang angay himuon mao ang isurender kini sa gobyerno.
Apan kung galing nabaligya na ang prankisa kaniadto, dawaton na lamang kini sa gobyerno basta duna lamang deed of sale sabay bahad sa mga karon pa lang namaligya nga pandakpon kini.
Tambag usab sa city assistant administrator for admin sa mga nakapalit og prankisa bagohay lang, mamahimo nilang kasuhan ang mga nangilad kanila.
Giawhag ni Domingo sa mga PUV operators nga ipadyon gihapon nila ang operasyon samtang wala pa hingpit gipatuman sa HPBS.
Walay gibutyag nga specific date si Domingo alang sa full implementation sa maong sistema hinuon nagpadayon ang ilang preparasyon sama sa pagdeploy og tulo ka bus sa matag distrito sa Davao sulod karong tuiga.
RadyoMaN Jason Amisola
