Davao City – Gitunol na ngadto sa pito ka mga barangay sa Magsaysay Davao del Sur kagahapong adlawa ang relief goods gikan sa Davao LGU.
Diin anaa sa 2,755 ka mga pamilya lakip ang membro sa indigenous people kinsa nakapahiluna sa mga tents gikan sa villages sa Kasuya, Bulucan, Balawinon, Bacungan, San Isidro, Lower Bala, ug Upper Bala ang naka benepisyo.
Ang Magsaysay usa sa mga hilabihang nadamyos lakip na ang municipal hall niini ug 7, 400 ka mga panimalay gani ang 1,333 ka mga pamilya nagpahiluna sa evacuation centers nga duol sa ilang pinuy-anan.
Gisuspenso usab ang mga klase taliwala sa pagpaabot sa deklarasyon nga luwas na gamiton ang mga school buildings.
Karong semanaha magpadayon sa gihapon og pagpadala og hinabang ang lokal nga panggamhanan ngadto sa mga na-displace nga pamilya sa Davao del Sur ug North Cotabato.
Gani karong adlawa, Nobyembre 7, tunolan ang mga apektadong pamilya sa Bansalan.
Ang Davao City Oplan “Tabang” gilangkuban sa City Mayors Office, CSSDO, CIO, City Engineers Office, PSSCC, PNP, Minute Burger, Civilian Volunteers, ug Task Force Davao.
RadyoMaN Jason Amisola
