Usa ka konsumante nga si Jingjing Tallamer nga taga Maa ning syudad ang nakamatikod nga dili ra ingon ana kadako ang ilang bill itandi sa milabay nga tuig.
Matud sa DLPC, magpadayon pa sa pagubos ang electricity rate sa Davao light human kini miubos niadtong niaging bulan. Gikan sa P11.52 per kilowatt-hour sa February 2023, niubos kini og 0.38 cents ug karon anaa kini sa P11.14 per kilowatt-hour karong bulana.
Dugang niini nga P76 ang giubos kada household nga dunay average monthly electricity consumption nga 200 kWh.
Gikanayon sa Davao Light nga ang pagubos sa power rates tungod sa partisipasyon niini sa commercial operation sa Philippine Wholesale Electricity Spot Market (WESM) sa Mindanao ingon man price decrease sa power gikan sa coal suppliers.
Sumala sa nasangpit nga electric provider, kini subay sa ilang misyon nga mahatagan og maayo ug reliable electric service ang mga konsumante.
Missy De Ocampo, BACOMM-Davao del Norte State College Intern
