Davao City – Samaran ang siyam ka mga indibidwal human naangol sa pagkahugmak sa Himeji Building, Ecoland Residence 4000, Ecoland, Davao City subay sa pagtay-ug sa magnitude 6.5 nga linog bandang alas 9 karong buntag, October 31, 2019.
Sa pakighinabi sa Davao media kang Davao City Police Office o DCPO Spokesperson PCAPT Nolan Tagsip, walo ang nakaangkon og minor injuries samtang usa ang daling gidala sa ospital.
Dugang niini, padayon pa usab ang rescue operation sa nasangpit nga gambalay.
Pipila sa mga nasamdan ang nailhan na sa kapulisan mao sila Catley Ubas, 27 anyos, Naser Enog, 27 anyos, Baswil Ledya, 60 anyos, Park Jung O, korean National, 61 anyos.
Subay niini, una ng giingon sa City Disaster Risk Reduction and Management Office kun CDRRMO nga usa ang maong building sa mga establishemento sa syudad nga nakitaan og cracks human mitay-ug ang magnitude 6.6 nga linog niadtong October 29, 2019.
RadyoMaN Renz Barbarona
