Davao City – Epektibo ug padayon gihapong ipatuman ang liquor ban ordinance sa syudad sa Davao luyo sa hingpit nang pag-lift sa liquor ban sa dakabyan epektibo kagahapong adlawa (September 21, 2020).
Matud ni Davao City Mayor Sara Duterte-Carpio nga gawas niini, aduna usay memorandum gikan sa Depatment of Trade and Industry (DTI) nga pagdili sa operasyon sa mga beerhouses ug susamang establisyemento kansang pag-serve sa ilimnon maoy primary nga negosyo.
“Gi-lift na nato ang 24-hour liquor ban diri sa Davao City. So, magpadayon gihapon ang atong liquor ban ordinance nga i-implement,” gibutyag Duterte-Carpio.
Dugang sa Mayor nga subay usab sa DTI Memorandum 20-39 Section 3, mamahimo usab nga makabaligya og alak ang mga restaurant ug fast food business apan mag limit lamang sa 2 servings matag tao. Lakip usab kining ipatuman bisan sa mga videokehan, mga karenderia nga nagabaligya og bino.
Nasayran nga gidili gihapon ang pagbaligya, pag-serve, ug pag-inom og alak gikan ala-1 sa kaadlawon hangtud alas-8 sa buntyag ilawom sa City Ordinance No. 004-12 Series of 2013, or an Ordinance Amending No. 1627, series of 2014.
RadyoMaN Kirby Manzon
