Davao City – Hatagan og pasidungog sa Department of Education kun DepEd XI ang mga atletang nakakuha og mga medalya sa bag-uhay lang nahuman nga Palarong Pambansa 2018.
Kini ang gibutyag ni DepEd-Davao spokesperson Jenielito “Dodong” Atillo atol sa interview sa DXDC RMN Davao.
Sumala niya nga adunay gigahin nga kantidad alang ngadto sa mga kabataan nga nakasakmit og mga medalya.
Samtang dili pa makumpirma ni Atillo og aduna bay gigahin ang ubang government units sa rehiyon xi alang usab sa nasangpit nga kadaugan sa mga atleta sa Davao region.
Kahinumduman nga nahuman ang maong paugnat sa kusog niadtong adlawng Sabado, Abril 21 nga gipahigayon sa Vigan, Ilocos Sur diin nag rank 9 ang Davao Eagles ug nagpabilin gihapong kampeon ang National Capital Region kun NCR.
RadyoMaN Renz Barbarona
