Davao Memorial Park makaakomodar pa

37

Davao City – Kaya pang muakomodar matud pa og minatay ang Davao Memorial Park.

Sa ekslusibong pakighinabi kang Raymundo Alicando, Interment supervisor sa Davao Memorial Park, bana-bana niini nga sobra pa sa usa ka gatos ang kaya nilang maakomodar nga ilubong sa maong sam-ang.

Pipila sa mga iladong gilubong dinhi mao sila si Kanhi Davao City Mayor Luis Santos, kanhi Davao city second district representative Manual ‘Nonoy’ Garcia, lakio na sab ang kabanay sa pamilyang Almendras, Loyola, Maglana ug uban pa.

Sa pikas bahin, gitataw ni Alicando nga dawat na sa katawhan ang pamaagi sa cremation diin matag bulan anaa sa 20 ang naga pa cremate kanila.

Gitataw niini nga mas barato ang magpa cremate diin mukantidad kini sa kapin P30-mil mas makatipid inay mupalit og P50-mil sa lote ug P30-mil sa pagpalubong.

Gikan tuig 1970 hangtod karong adlawa, anaa na sa 33,585 ang ihap sa gipanglubong sa Davao Memorial Park.

RadyoMaN Jason Amisola

Facebook Comments