Davao City – Mibati og kahadlok ang usa ka Overseas Filipino Worker (OFW) sa Oman sa Middle East tungod sa tensyon karon tali sa Iran ug Estados Unidos.
Sa interbyu sa DXDC RMN Davao kang Tina Atienza, taga Compostela, Davao De Oro ug walo ka tuig nang nagtrabaho sa Oman, gibutyag niini nga ang Oman ang pinaka luwas nga nasud sa Middle East apan delikado gihapon sumala pa ugaling mo-grabe ang kagubot karon tali sa maong tensyonadong mga nasud.
“Oman ang pinka safe na country kay maintain ang peace between middle east or among all the countries. Duol mi sa Iran pero unta walay madayon nga attack,” saysay ni Atienza.
Sa pagkakaron, wala pay mando kanila ang Philippine embassy sa Oman nga pabalikon sila sa nasud diin matud sa OFW nga mas pili-on niining mupabilin sa pagpanrabaho tungod sa maayong oportunidad sa maong nasud ug normal pa usab ang sitwasyon karon sa lugar.
RadyoMaN Kirby Manzon
