Davao City – Nagpasalamat ang lokal nga gobyerno sa Davao Oriental sa Davao Regional Task Force on COVID-19 sa pagpanguna ni Davao City Mayor Sara Duterte-Carpio, sa panahon nga gihatag kanila sa pag set up og screening protocols isip pagpangandam sa mga indibidwal nga musulod ug mugawas sa probinsya.
Gibutyag ni Davao Oriental Governor Nelson Dayanghirang nga nasabutan na sa mga local chief executives sa napulo ka mga munisipiyo ug usa ka syudad sa probinsya nga mag montar og measures sa pag-abri sa ilang borders.
Ilawom sa Executive Order 25 nga na-release niadto lamang Martes (May 26, 2020) ipatuman sa probinsya ang istriktong health screening measures sa tanang provincial border entry points ug sa mga terminal.
Gi-anunsyo sa Province of Davao Oriental nga sugod June 1, 2020 mamahimo nang makasulod ang tanang public ug private transportation gikan sa mga areas sa Davao region lakip na ang naggikan sa syudad sa Davao.
RadyoMaN Kirby Manzon
