Davao City – Dili tungod sa birth rate apan tungod sa in-migration ang kawsa sa pag daghan sa populasyon dinhi sa syudad sa Davao bisan pa man mibaba sa 2.3% ang population growth rate sa syudad sa kasamtangan gikan sa 2.36 sa milabay’ng tuig.
Kini mao ang gidasonan ni Jef Fuentes sa City PopCom atol sa gipahigayong iSpeak Forum sa adlaw’ng Huwbes diin matud pa sagad nangabuntis gikan sa laing mga probinsya kansang tumong muskwela ug mutrabaho apan lamang nadisgasya gani ang uban ginabilin ang ilang mga anak dinhi.
Apan segun ni Fuentes nga mas ginakabalak-an nila ang pagsaka sa pregnancy rate sa syudad inay sa population growth sanglit nag-una ang Davao sa tibuok Rehiyon 11.
Gawas niini, gilantaw usab ni Fuentes ang pipila ka mga factor sama sa kultura kung asa dominante ang mg Indigenous Peoples ug urbang poor areas kung asa dunay kakulangon sa pag-edukar; Ikaduha ang social media na kung asa ginagamit kini sa mali nga pamaagi; ug ikatulo ang mali nga paggiya sa mga ‘adults’ karon ngadto sa mga adolescent people.
Base sa datos sa City PopCom, 12.9% ang teen pregnancy rate sa Davao diin sa regional level dunay 17.2%, ug 8.9% sa national rate.
Sa pagkakaron, ginapahugtan nila ang kampanya pinaagi sa information drive ilabi na diha sa social media sama sa Facebook Page nga ‘Teen Talk Davao’ nga kung asa mamahimong mangutana ang usa ka adolescent sa mga butang labot sa reproductive health kung maulaw sa mga ginikanan.
RadyoMaN Jason Amisola
