Jose Dalman, ZDN-Tungod sa dakong problema nga gihambin maoy nagtukmod sa 28 anyos nga magpakamatay pinaagi sa paghikog gamit ang pisi.
Posible nga dili na kayang pas-anon sa biktimang si Victor Balangas ang problemang gisagubang, kini ang gisaysay saiyang asawa sa wala na nahitabo ang paghunos sa kinabuhi sa iyang bana.
Kini si Victor, daan na kining misulay ug pakamatay tungod sa dakong problema sa pamilya, apan swerte nga natambagan kini sa iyang asawa.
Sa misunod nga mga adlaw, nakadungog matod pa ang biktima sa mga hulungihong sa iyang mga silingan nga siya kuno, nakighilawas sa usa ka karabaw, tungod sa mao nga istorya grabeng ang gibating kaulaw sa biktima nga miresulta sa depresyon.
Myerkules sa hapon, dako ang kakurat sa inahan ug asawa niini sa dihang paghidangat nila sa ilang umahan, nagbitay na sa punoan sa macopa ug wala nay kinabuhi ang biktima.
Kasakit ug kaguol karon ang gibati sa asawang nahabilin human nagpakamatay ang iyang bana.
