Davao City – Nangandam na karon alang sa subling pag-abri sa mga pribadong hospital sa syudad sa Davao alang sa pagdawat og Coronavirus Disease 2019 (COVID-19) patients.
Matud ni Davao City Mayor Sara Duterte-Carpio (sa interbyu sa city-owned radio), nakipag-dayologo na karon si City Health Office (CHO) chief Dr. Ashley Lopez sa mga private hospitals aron mutabang sa Southern Philippines Medical Center (SPMC) sa pag-cater og COVID-19 patients human na-obserbahan ang pagtaas sa kaso sa mga hospital ug Temporary Treatment and Monitoring Facilities (TTMFs) sa dakbayan.
“Yes na-inform na po sila (private hospitals). Duna na man ‘toy agreement among hospitals nga once manginahanglan na og tabang ang SPMC, they will once again resume and accept COVID-19 patients,” segun sa alkalde.
Una nang gibutyag sa CHO official nga kinahanglang andam kanunay ang private hospitals sa pagtabang sa COVID-19 response ilabi na kung mutaas ang kaso sa COVID-19 ug kinahanglanon ang ilang pasilidad.
Luyo sa pagsaka sa COVID-19 cases, padayong gipanawagan sa publiko ang pagsunod sa mininum public health standards sama sa pagsuot og face mask, social distancing, hadwashing ug pagpuyo sa balay kung walay importanting lakaw.
RadyoMaN Kirby Manzon
