Davao City – Himuon nang mandatory sugod Pebrero 3, 2021 ang implementasyon sa Safe Davao QR (DQR) o ang Quick Response (QR) Code sa mga indibidwal ug mga opisina/establisyemento sa syudad sa Davao.
Kini subay sa gipagawas nga Executive Order (EO) No. 02 Series of 2021 o An Order Providing for Mandatory Implementation of the Safe Davao QR and other Purposes.
Ilawom sa EO, obligado na ang mga opisina ug establisyemento sa pag-scan sa mga indibidwal nga musulod sa ilang premises apan exempted niini ang mga stalls sama sa milk tea stall, ambulant vendor, lechon manok stand, sari-sari store, bakery, palengke stall, ug uban pa.
Samtang, required gihapon magbaton og kaugalingong QR Code scanners ang matag tindahan sulod sa usa ka gambalay sama sa malls, hospitals, commercial complex, ug susamang establisyemento.
Tumong sa pagpatuman sa DQR mao ang pagpakusog sa contact tracing sa Coronavirus Disease 2019 (COVID-19) cases diin ma-notify na ang mga indibidwal pinaagi sa text message kung na-expose kini o aduna kini nakasabay nga positibo sa COVID-19 sulod sa usa ka lugar o establisyemento.
RadyoMaN Kirby Manzon
