Davao Region, anaa sa 3, 4 sa COVID-19 alert level

38

Davao City – Anaa karon sa Alert Level 3 ug 4 ang Davao Region subay sa Coronavirus Disease 2019 (COVID-19) Alert Level System sa Department of Health (DOH).
Atol sa DOH-XI Virtual Presser, gibutyag ni Dr. Rachel Joy Pasion, Head sa Regional Epidemiology and Surveillance Unit – DOH-XI, gibutyag niini nga kini ang assessment sa DOH subay sa mga kasong natala sa mga probinsya sa Davao Region.
Apan giklaro sa health official nga wala pa gisugdan sa pagpatuman sa rehiyon ang COVID-19 Alert Level System ug nagpaabot na lamang og mando gikan sa National Task Force (NTF) diin kini unang gipatuman sa National Capital Region (NCR).
“We are waiting for their ‘go signal’ when we will be included for Region-XI, when we will be included in the Alert Level System, but right now po, as to the latest update, the alert levels.. naglalaro po ang provinces ng Davao Region as to Alert Level 3 and 4,” sulti ni Pasion.
Sa giaprubahang Alert Level System sa Inter-Agency Task Force for the Management of Emerging Infectious Diseases (IATF-EID), kini naglangkob sa Alert Levels 1 to 5 ug pagpatuman sa granular lockdown quarantine status. Ang movement restrictions mamahimong mas istrikto panahon nga mutaas usab ang numero sa alert level.

RadyoMaN Kirby Manzon

Facebook Comments