Davao City – Gipangandaman na sa Department of Education (DepEd) XI ang pagbansay sa mga atleta nga kwalipikado ug midaug sa Davao Region Athletic Association kun DAVRAA nga muapil sa Palarong Pambansa 2018.
Sa pakighinabi sa DXDC RMN Davao kang DepEd-Davao spokesperson Jenilito Atillo, gibutyag niini nga naka-schedule na ang pagbansay sa mga atleta alang sa pagpangandam sa Palaro.
Dugang ni Atillo nga paningkamutan sa Davao Region nga musaka ang ranking karong tuiga gikan sa rank 7 sa miaging tuig.
Ang palarong pambansa 2018 ipahigayon sa Vigan, Ilocos Sur nga sugdan karong April 15.
Sa pikas bahin, subay usab sa pagpangandam sa Davao City nga mag-hots sa Palarong Pambansa sunod tuig, gikumpirma ni Atillo nga ang syudad gihapon ang magdala sa DAVRAA 2019.
RadyoMaN Renz Barbarona
