Davao City – Malinawon ang tibuok Davao Region sa unang adlaw sa pagfile sa Certificate of Candidacy (COC) sa mga magpapili sa 2019 midterm elections base sa monitoring sa kapulisan.
Sumala ni Police Regional Office 11 (PRO-XI) Regional Director PCS Marcelo Morales, pipila lang ka mga kandidato ang nag file sa ilang COC sa rehiyon gani luwas ug walay nahitabong dautan sa maong mga kandidato.
Gipaniguro ni Morales nga hugot ang ilang pagbantay karong eleksyon aron magpabilin ang kahapsay ug kalinaw ilabi na sa kapanahonan sa eleksyon nga magsugod sa Enero 13 hangtod Hulyo 12 sa mosunod nga tuig base sa gipagulang Comelec Resolution No. 10429.
Sa pagkakaron, wala pay madeklara nga election hotspots dinhi sa Rehiyon 11 sumala sa Regional Director gumikan wala pa makuha sa kapulisan ang tibuok listahan sa modaganay sa matag lugar gumikan kini ilang himoong basehan.
RadyoMaN Jason Amisola
