Davao City – Nisaka sa 142 ang ihap sa mga pasyenteng nagpositibo sa COVID-19 sa Davao Region subay sa datos sa Department of Health (DOH-XI) Davao Region nga dunay 7 ka mga bag-ong kaso ang rehiyon niadtong weekend.
Sa DOH XI patient’s profile sa mga nadugang nga COVID-19 confirmed cases, duha sa unom mga babae nga taga-Buhangin kinsa parehong adunay mga exposure sa usa ka positive case, nag edad kini sila’g 29 anyos ug 44 anyos.
Ang ikatulo, 40 anyos kini nga babae kinsa padayon pang ginaimbestigahan ang exposure niini.
Ang ikaupat, taga-Talomo South, Davao City nga 31 anyos nga lalaki, samtang ang ika-limang pasyente, 46 anyos nga lalaking taga-Agdao diin wala pay inporasyon asa nakuha niini ang COVID-19. Ang ikaunom, 68 anyos nga babae kinsa adunay exposure sa COVID-19 confirmed case.
Samtang, wala pay gipagula nga profile sa ika-pitong kasong nadunga’g niadtong dominggo. Anaa na sa 82 ang total recoveries ug 20 ang patay sa Davao Region.
Si PH 1665 29 anyos nga lalaki nga taga-Tagum City, Davao del Norte nga adunay exposure sa Matina Gallera ang usa sa mga bag-ong nakarekober nga pasyente.
RadyoMaN Aimee Guinita
