Davao City – Posibleng ma-extend pa ang Quarantine period sa Davao Region nunot sa COVID-19 pandemic.
Gitambagan ni Davao City Mayor Sara Duterte ang publiko nga angayan gayod nga plastaron ang ilahang mga pang-adlaw-adlaw nga katikaran samtang hugot nga ginaobserbar ang Stay at Home.
“We’ll be dependent on the decision sa doktor if we extend to a month or more than a month,” matud sa alkalde.
Giagni sa mayor ang publiko nga inay mag-focus sa ihap sa mga magpositibo sa COVID-19, mutabang sa pagpugong sa pagkaylap sa sakit pinaagi sa pagtuman nga magpondo sa balay, social distancing, pirmente nga pagpanghunaw sa kamot gamit ang sabon ug tubig, paglikay sa mga tao nga adunay travel history sa mga lugar nga positibo sa COVID-19 ug manawag sa COVID-19 Operation center kung adunay mga flu-like symptoms ug kalibanga.
RadyoMaN Aimee Guinita
