Davao region walay natalang kakulian atol sa pagsugod sa election period

26

Davao City – Nahimong epektibo ang mga COMELEC checkpoints ug gipatumang hugot nga seguridad sa mga awtoridad sukad nagsugod ang Election period niadtong Sabado.

Sumala ni Police Regional Office XI Spokesperson PCI Milgrace Driz generally peaceful ang entero Davao Region atol sa unang adlaw sa filing of certificate of candidacy.

Samtang gibutyag ni Driz nga subay sa COMELEC Gun ban ubos sa PD 1619 duha ang naarestong nagdala og mga deadly weapons gikan sa area sa Talomo ug Calinan Police Station.

Base sa gipagulang report sa Police Regional Office XI ang usa sa mga suspek 16 anyos kinsa nakuhaan og hinagiban ug solvent kun rugby ug ang menor gi-turn over na ngadto sa CSSDO.

Samtang ang laing suspek giila nga si Eric Ugmad, 26 anyos, taga Pagatpat St., SIR Phase 1, New Matina ning dakbayan.

Balhog karon sa Talomo PNP ang dinakpan.

Dugang ni Driz on-going gihapon ang ilang validation sa Region XI Regional Joint Security Control Committee sa mga Election Areas of concern kinsa adunay mga kasinatiang election-related violence, grabeng away tali sa mga kandidato, presensya sa private armed groups (PAGs) ug lugar diin galihok ang mga teroristang NPA.

Busa lakip sa protektahan sa mga awtoridad ang mga election supervisors, Board of Election Inspectors ( BEIs) ug tanang muserbisyo sa Barangay ug SK elections.

RadyoMaN Aimee Guinita

Facebook Comments