Kagahapong adlawa (July 6, 2022) gipahigayon ang launching ceremony sa proyekto nga gipundohan sa Official Development Assistance (ODA) gikan sa People’s Republic of China (PRC).
Ang ₱23.039 billion nga proyekto ang unang loan agreement sa gobyerno sa Pilipinas ug sa People’s Republic of China alang sa infrastructure project ilawom sa implementasyon sa DPWH Unified Project Management Office (UPMO) Operations.
Matud ni DPWH Secretary Manuel Bonoan, dakong tabang sa commuters ug motorista ang toll-free ug four-lane nga Davao-Samal Bridge diin mamahimong lima (5) ka minutos nalang ang biyahe sa Isla sa Samal ug syudad sa Davao.
Ang tulay usa ka flagship project ilawom sa “Build Build Build” program ug kini sugdan karong tuig 2022 ug target nga mahuman sa tuig 2027.
Una nang gisaysay ni Island Garden City of Samal (IGaCoS) Mayor Al David Uy sa DXDC RMN Davao nga igo-igo usab nga panahon ang pila ka tuig nga pagtukod sa tulay aron maplastar usab sa lokal nga gobyerno ang mga kinahanglanon una pa modagsa ang mga tawo pagkahuman sa proyekto.
RadyoMaN Kirby Manzon
