Sa interbyu sa DXDC RMN Davao kang Dr. Josephine Villafuerte Vaccination Cluster Head, gibutyag niini matag Biyernes himuon ang pagbakuna ug magsugod karong adlawa, Nobyembre 11, 2022 hangtud sa Disyembre.
Gisaysay ni Villafuerte, taas ang vaccination rate sa 12 anyos pataas apan nagpabiling ubos ang ihap sa nagpabakuna nga nag-edad og 11 anyos paubos, rason nga positibo sila nga makatabang ang himuong pagbakuna sa mga eskwelahan.
“It’s a challenge for us to be able to vaccinate the 5-11 (years old) dahil nga naman sa doon sa hindi sya mandatory and then syempre kausapin yung mga parent na para mapa-immunize nila sila,” saysay ni Villafuerte.
Gipasabot sa health official, kinahanglang masabtan sa mga ginikanan nga posible gihapong mabutang sa risgo sa Coronavirus Disease 2019 (COVID-19), ang kabataan nga anaa sa vulnerable age.
RadyoMaN Kirby Manzon
