Davao City – Mas pahugtan pa sa kapulisan ang pagbantay sa 2022 bar examination sa Ateneo De Davao University-Senior High School Campus sa Bangkal, Talomo District, Davao City.
Gibutyag ni PMaj. Noel B. Villahermosa, PS3-Talomo Station Commander, magdugang og mga pulis sa nahibiling tulo ka mga adlaw sa exam, karong Nobyembre 13, 16 ug 20, 2022.
Matud ni Villahermosa, ipatuman nila ang seguridad diha sa pagdili sa traditional salubong partikular na sa mga fraternities and sororities sa mga nag-take og exam nga gimando sa Korte Suprema.
I-deploy usab sa gawas sa bar exam site ang usa ka batalyon sa mga personahe gikan PNP Civil Disturbance Management (CDM) Unit aron seguradong malikayan ang mga tapok ug pagmintenar sa kahusay ug kalinaw aron dili gayod madisturbo ang mga bar takers.
Sa unang adlaw sa exam, generally peaceful ug walay natalang untoward incident ang Talomo Police Station.
RadyoMaN Aimee Guinita
Facebook Comments
