Davao City – Misaka karon ang ihap sa iligal nga droga nga nasakmit sa mga awtoridad dinhi sa Davao Region alang sa tuig 2019 itandi sa milabayng tuig.
Sumala ni Philippine Drug Enforcement Agency (PDEA-XI) Regional Director Antonio Rivera, gikan sa 2.147 kilos sa drogang nasakmit sa 2018, misaka kini ngadto sa 3.453 kilos gikan sa managlahing operasyon lakip na diha sa mga checkpoints.
Gibutyag ni Rivera nga ang pinakataas nga ihap natala dinhi sa Davao City gisundan sa Davao del Norte, Davao Oriental, Davao del Sur, Davao de Oro ug Davao Occidental.
Dugang ni Rivera nga taas ang na-rekober nga quantity sa Davao City sanglit kasagaran kining ginadayo ingon man klase-klase ang mga lumolupyo dinhi gani gitumbok nga kwarta ang pinakarason sa maong iligal nga transaksyon.
Anaa sa 2.726 kilos ang seized drugs sa Philippine National Police (PNP), 676 grams sa PDEA, 48.3 grams sa Task Force Davao ug 3.48 grams sa operations sa National Bureau of Investigation (NBI).
Dugang ni Rivera nga posible pa kining madungagan sanglit wala pa naapil ang datos ning bulana.
RadyoMaN Jason Amisola
