Davao City – Balik-Operasyon na ang Inter-Regional Bus Trips gikan Davao Region padulong sa Caraga Region nga gilaumang magsugod karong semanaha o sa sunod semana.
Sa interbyu sa DXDC RMN Davao kang Atty. Armand Dioso, Regional Director sa Land Transportation Franchising and Regulatory Board (LTFRB-XI), gibutyag niini nga ablihan ang mga ruta sa Davao to Butuan, Davao to Surigao ug Davao to Tandag ug vice versa.
“This week or next week na (ang biyahe). Depende sa application sa special permit sa mga bus companies nga naka assign dinhi nga ruta,” segun ni Dioso.
Gibutyag ni Dioso, ginapangayo sa Caraga Region alang sa mga mosulod sa ilang rehiyon ang 5-days old negative RDT (Rapid Diagnostic Test) result samtang gipaabot na lamang usab sa LTFRB-XI ang posibleng dugang requirements sa Inter-Agency Task Force (IATF) Davao Region sa mga mosulod sa rehiyon onse gikan sa Caraga Region.
Dugang sa LTFRB-XI official, gawas sa pag submitar sa checkpoints kinahanglan nga sa terminal lamang usab ang pick-up ug drop-off sa mga pasahero alang sa health screening nga ginahimo sa matag Local Government Unit (LGU).
RadyoMaN Kirby Manzon
