Kanhi suspek sa Carnapping, nadakpan na usab gumikan sa illegal nga droga

Malampusong nasikop sa gipahigayon nga drug buy bust operation sa Station Drug Enforcement Unit sa kapulisan sa Presento 5 ang suspetsado sa pagpayuhot sa illegal nga droga alas 11 y medya ang takna kagahapon sa buntag.

Nasikop ang usa ka suspek nga nailang si Mc Raken Van Bacarra, 26 anyos, minyo, walay trabaho ug molupyo sa Purok 4 Barangay Saray ning syudad sa Iligan.

Napalitan kini sa usa ka  poseur buyer sa usa ka sachet sa gituohang shabu. 


Sa pagpahigayon ug body search sa maong suspek, nakuhaan kini ug duha ka gamayng sachet sa shabu, ingon man usa ka medium size nga sachet sa maong substance,ug 500 pesos nga marked money.

Ang mga nakuhang drogas motimbang ug 1.5 gramos nga adunay street value nga mokabat ngadto na sa 5 mil ka pesos.

Ang maong suspek kanhi nang nadakpan niadtong 2014 alang sa kasong carnapping, ingon man 2016 gumikan gihapon sa pagpayuhot sa illegal nga droga.

Kasong paglapas sa RA 9165 ang atubangon sa maong suspek kinsa anaa karon sa police station 5 samtang ang mga drug evidence nga nakuha sa mga operatiba ang giturn over sa PNP crime laboratory alang sa forensic examination,

Facebook Comments