Davao City – Walay natalang casualty o mga angol tungod sa nahitabong pagbaha sa syudad kagabie.
Kini gikumpirma ni City Disaster Risk Reduction and Management Office Operations Officer Rodrigo Bustillo atol sa interbyu sa RMN Davao.
Giklaro ni Bustillo nga dili tungod sa pagbaha ang nahitabong disgrasya diin patay ang usa ka 18 anyos nga si Mille Vea Esteves human kini aksidenteng mahagbong sa creek sa may Barangay Malagos alas 9 kagabie ug alas 8 sa buntaga na-rekober ang patayng lawas niini didto sa may Dominga Village, Calinan ning syudad.
Matud ni Bustillo nag-subside na ang tubig baha apan anaa gihapoy 30 ka mga pamilya sa Bunawan ang nagpabilin pa sa evacuation area tungod kay taas pa gihapon ang tubig baha.
Dugang niini nga code green kun anaa sa normal o safe level na ang Talomo River, Lipadas River ug Matina River.
Ang dakbayan sa Davao nakasinati karon og madag-umong kalangitan busa ang CDRRMO-Operation Center ug ang BDRRMC closely monitoring sa tanang mga kasapaan.
RadyoMaN Aimee Guinita
