Davao City – Andam kanunay ang mga Davaoeños sa pagsuporta kang Davao City Mayor Inday Sara Duterte-Carpio sa mga plano niini kalabutan sa pulitika.
Kini ang reaksyon ni Brgy. Captain Robert Mendoza sa Brgy. 27-D ning syudad atol sa interview sa DXDC RMN Davao subay sa pahayag ni Mayor Inday nga dili kini mudagan og congressman sa sunod nga National Election gani ang maong pahayag giuyunan ni Kapitan Mendoza.
Subay kini sa giingon sa alkalde ngadto sa mga Duterte supporters sa dihang mibisita kini sa Macau ug Hongkong nga dili siya mudagan og congressman tungod matud pa dili niya kaya nga byaan ang iyang mga anak.
“Hindi na ako tatakbong congressman. Kasi ang trabaho ng congressman, sa mga taga-probinsya tulad namin, galing Davao City, pupunta ka ng Manila, tatlo o apat na araw, tapos uuwi ka ng Davao, Friday, Saturday, Sunday para sa iyong distrito. Hindi ko kaya iyun, kasi hindi ko kayang iwanan ang mga anak ko,” sigun ni Mayor Inday.
RadyoMaN Renz Barbarona
