Davao City – Gawas sa pag-alerto batok Coronavirus Disease 2019 (COVID-19), gipaigmat usab sa Davao City COVID-19 Task Force (TF) ang Davaoeños batok dengue ilabi na panahon sa mga pag-ulan.
Gibutyag ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), lauman na sa publiko ang pagsiaw sa dengue ilabina sa rainy season nga maoy hinungdan sa stagnant water, rason nga kinahanglang kanunayon ang pagpanghinlo sa panimalay.
Gipahinumdom usab sa health official ang 4 o’clock Habit nga usa ka kampanya sa Department of Health (DOH) batok dengue.
“When it is rainy season, expected nato ang pagtaas also sa cases of dengue, and ang atoang way ani to combat dengue is to always clean our house, clean our community. I-avoid ang.. as much as possible gyud, dapat zero stagnant water gyud around our community,” sulti ni Schlosser.
Una na nga gi-identify sa Davao City Health Office (CHO) ang 21 ka barangay isip dengue hotspots sa 4th quarter sa 2021 nga mao ang musunod: Talomo Proper, Bago Aplaya, Bago Gallera, Catalunan Pequeño, Maa, Matina Pangi, Langub, Governor Vicente Duterte, Buhangin Proper, Cabantian, Tigatto, Bunawan Proper, Lasang, Tibungco, Panacan, Pampanga, A. Aliongto Sr., Mintal, Tacunan, 5-A, ug 8-A.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
