Sa interview sa DXDC RMN Davao sa usa ka estudyanteng si Mariell Gimelga, iyang gibutyag nga maayo kini nga balaod ilabi na nga ang monthy period sa babae dili matag-an ang petsa ug aron usab aduna’y alternatibong paagi kung dili makadala’g extra pad sa eskwelahan.
Dugang komento pa sa usa ka inahan nga si Aivy Rezane, malipay gyud ang mga ginikanan niini tungod aduna’y uban nga anaa sa pait nga kahimtang ug basin maabtan og menstruation ang estudyante sa panahon nga wala’y budget ang pamilya ug mas pilion nalang mag-absent sa klase.
Ilawom sa Senate Bill 2475 ni Ejercito, giawhag niya ang mga public center ug public schools nga tumanon kini aron man lang sa gagmay nga mga lakang, makatabangan ang mga estudyante.
Butyag pa sa senador nga ang World Health Organization (WHO) mismo ang nanawagan nga ilhon sa mga nasud ang menstrual health isip usa ka human right.
RadyoMaN Ivy Parido
