Davao City- Lisod matud pa makasulod og trabaho sa Pilipinas tungod sa taas nga standards o kwalipikasyon sa mga kompanya o trabahuan kay gituohang bisan naa kay abilidad ug kaalam, mas pilion gihapon kadtong mga nakahuman.
Sa pakighinabi sa DXDC RMN Davao sa usa ka Jenerica Calabio, iyang gibutyag nga nag-ugat gihapon sa kawad-on sa pamilya kung nganong maglisod ang tao sa pagpangita og trabaho.
Iyang gipasabot nga kung anaa sa kapobrehon, aduna’y pipila nga dili gyud makahuman sa pag eskwela hinungdan nga malisdan kini inig mag-apply na tungod mas pilion gihapon kadtong mga nigradwar sa kolehiyo.
Ang maong komento subay sa gipagulang datos sa Philippine Statistics Authority (PSA) nga niabot sa 2.26 million ang ihap sa mga Pilipinong wala’y trabaho niadtong bulan sa Setyembre 2023 diin mas taas pa kini kung itandi sa 2.21 million unemployed Filipino niadtong Agosto.
RadyoMaN Ivy Parido
Facebook Comments
