Davao City – Gipaniguro sa lokal nga gobyerno sa Davao Occidental nga mahatag ang tabang nga gikinahanglan sa mga hog raisers nga apektado sa African Swine Fever (ASF) sa maong probinsya.
Sa interbyu sa DXDC RMN Davao kang Marivic Hubac, Head Executive Assistant sa Davao Occidental, gibutyag niini nga himuong prayoridad sa gobyerno kadtong apektado sa ASF sa mga proyektong himuon sa kagamhanan.
“Sa mga other projects nga amoang mahatag, magiging priority gyud ang kadtong affected sa ASF,” saysay ni Hubac.
Gipaniguro usab sa opisyal nga gibana-banaang human sa unom ka bulan kung madeklara nang ASF-free ang probinsya, mag alokar na usab ang Local Government Unit (LGU) sa Davao Occidental og budget alang sa subling pagbuhi og baboy isip ilang panginabuhian.
RadyoMaN Kirby Manzon
