Davao City – Nahimo na karong numero uno nga tinubdan sa marijuana ang probinsya sa Davao Oriental dinhi sa Davao region.
Kini ang gibutyag ni PDEA XI Assistant Regional Director Atty. Ben Joseph Tesiorna atol sa AFP-PNP presser subay sa iyang gipagulang datos bahin sa iligal nga droga.
Sumala ni Tesiorna nga sa bulan sa Marso lang ning tuiga, gibana-banaang anaa sa 5 million pesos ang kantidad sa marijuana nga narekober sa buhatan.
“Ang source aning tanang marijuana as of this month puro Davao Oriental…na overtake na sa Oriental ang dati nga Davao del Sur nga maoy number 1 source sa marijuana,” segun ni Tesiorna.
Tungod niini, mas gipakusgan karon sa PDEA XI ang ilang operasyon sa Davao Oriental uban usab ang uban pang law enforcement agencies.
Kahinumduman nga natultulan ang 2 million pesos nga kantidad sa gipangtanom nga marijuana sa Tarragona, Davao Oriental niadtong Marso 16, 2019.
RadyoMaN Renz Barbarona
