Davao City – Gi-awhag sa Office of the Civil Defense (OCD) ang publiko nga mokooperar sa himuong Nationwide Simultaneous Earthquake Drill (NSED) sa unang quarter karon nga tuig.
Sa interbyu sa DXDC RMN Davao kang Angie Lina Payosalan, Information Officer sa OCD-XI, gibutyag niini nga himuon ang aktibidad alas-2 sa hapon karong Marso 12, 2020, Huwebes, diin sa Manay, Davao Oriental ang pilot area dinhi sa Davao region.
Gisaysay ni Payosalan nga kini ang unang higayon nga himuong pilot area ang Davao Oriental ug preparasyon usab sa kalamidad labi na nga duol sa dagat ang maong probinsya.
“First, for how many years na nag conduct kami ng NSED, never pa po kaming naka pilot sa Davao Oriental. Second, is also to prepare the community sa mga possible na earthquake particularly na sa dagat po. So yung mga tsunami scares ipa-practice natin dun,” saysay ni Payosalan.
Gi-obliga ang tanang mga ahensya sa gobyerno nga muapil sa NSED ug gi-awhag usab ang partisipasyon sa mga pribadong sektor.
Kahinumduman nga sa Pantukan, Davao de Oro ang pilot area sa NSED sa milabay nga tuig, 2019.
RadyoMaN Kirby Manzon
