Davao City – Opisyal na nga giabrihan kagahapon sa hapon ang Davao Region Athletic Association kun DAVRAA 2019.
Gilusad ang opening ceremony sa Davao City UP Mindanao Sports Complex nga gitambungan sa mga atleta, coaches, supporters, mga opisyal sa gobyerno ug daghan pang uban.
Una na nga gibutyag sa Department of Education kun DepEd Davao nga anaa sa pito ka libo ka mga delegado ang musalmot sa maong paugnat sa kusog karong tuiga nga naggikan sa nagkalain-laing area sa Rehiyon XI.
Gani karon hugot nga seguridad ang gipatuman sa dakbayan aron masiguro ang kahapsay sa maong aktibidad diin daghang mga personahe gikan sa kapulisan ug kasundaluhan ang gipakatag alang usab sa seguridad sa mga delegado ug sa tanan.
RadyoMaN Renz Barbarona
Facebook Comments
