Gani personal kining gitambungan ni Vice President ug Department of Education (DepEd) Secretary Sara Duterte diin siya mipaabot sa iyang pahimangno sa mga coach ug atleta nga dili pugson og padula ang mga estudyante kung taas ang heat index.
“Ayaw ninyo pugsa og padula ang mga athletes kung kamo kabalo sad mo maglisod mo og dula tungod sa kainit. I remind our athletes nga dili mo maulaw mangayo og time-out o substitution kung di na gyud ninyo kaya ang kainit o kung naglain inyong pamati,” matud pa sa bise.
Hinuon, gibutyag ni Jenielito Atillo, ang Spokesperson sa DepEd XI nga andam silang sundon kung unsa man ang mando ngadto sa ilaha alang sa kahapsay sa aktibidad ug kaluwasan sa mga atleta.
“That is a motherly gesture from the Secretary herself, coming the Vice President herself. Dira nimo makita nga she’s after for the peace, health, safety, and security of our children,” komento pa ni Atillo sa pamahayag ni VP Duterte.
Sa katapusan, nahimong hapsay ug sadya ang opening program nga gisalmutan sa dul-an 8,000 delegates nga gilangkuban sa Davao de Oro Golden Titans, Davao del Norte Pioneers, Davao del Sur Cobras, Davao Occidental Slashers, Davao Oriental Sunrisers, Digos City Trekkers, Samal Waves, Mati City Eagles, Panabo City Banana Magnates, Tagum City ug Davao City Durians.
RadyoMaN Ivy Parido
