Davao City – Sutaon sa syudad sa Davao og unsa man ang kakulangon niini isip host sa Davao Region Athletic Association kun DAVRAA Meet 2018.
Sumala ni Davao City Mayor Inday Sara Duterte-Carpio, inig magpahigayon og post evaluation sa DAVRAA 2018, sayron kadtong unsa pa ang kinahanglan iimproba aron sa pagpangandam sa pag-host balik niini sa DAVRAA 2019.
Matud sa alkalde nga wala pa naapruba ang paghangyo isip host sa sunod tuig sa maong paugnat sa kusog gani ginastoryahan pa kini karon sa Department of Education kun DepEd XI diin tumong niini mao ang maensayo ang dakbayan sa pag-host sa Palarong Pambansa.
Sa pikas bahin, walay nakitang laing isyu si Mayor Inday sa paggunit sa syudad sa Davao sa DAVRAA gawas lang niadtong isyu nga food poisoning apan gilayon kining naaksyonan sa City Health Office kun CHO ug uban pang hingtungdang ahensya.
RadyoMaN Renz Barbarona
