Davao City – Agi’g pagpasalamat sa malampusong Davao Region Athletic Association (DAVRAA) Meet 2018, gipahigayon ang Thanksgiving Boodle Fight sa People’s Park kaganihang paniudto.
Sa pamahayag ni Davao City Mayor Inday Sara Duterte-Carpio, pamaagi kini aron mapasalamatan tanang sektor sa gobyerno sama sa traffic enforcers, Civil Security Unit (CSU), Public Safety and Security Comman Center (PSSCC) kauban ang 911 employees, Task Force Davao (TFD) ug Davao City Police Office (DCPO) sa ilang pagkugi sa panarbaho atol sa bagohay lamang nga DAVRAA Meet.
Gani karong adlawa, Perbrero 28, unang gipasalamatan ang City Environment and Natural Resources (CENRO) sa ilang pagmintinar sa kalimpyo ning syudad sa Davao diin gitambongan ug nakig-selfie ang mayor kanila.
Gipasalamatan usab ni Mayor Sara Duterte-Carpio ang Pilipinong May Puso Foundation alang sa pagsponsor sa mga pagkaon sa maong selebrasyon.
RadyoMaN Jason Amisola
