Davao City – Sugdan na sunod semana ang cloud seeding sa probinsya sa Davao del Sur isip tubag sa El Niño season phenomenon subay sa pagdeklara sa entero probinsya ilawom sa ‘State of Calamity’ gumikan sa distroso diha sa ilang pananum ug agrikultura.
Sumala ni Roy Jose Pascua, focal person sa Disaster Management sa Department of Agriculture XI, molungtad ang cloud seeding sa duha ka bulan gikan Marso 25 hangtod Mayo 25.
Segun ni Pascua nga gigahinan og P2.8M nga pondo ang maong lakang sa lokal nga panggamhanan diin gamiton ang mga eroplano sa Philippine Air Force.
Nasayran nga hangtod bulan sa Hunyo ang El Niño weather phenomenon.
Una nang gikabutyag nga anaa sa P148-M ang nahimong damyos atol sa pag-igo sa El Niño weather phenomenon sa Davao region partikular sa Davao del Sur base sa Damage Assessment Report sa Department of Agriculture gikan bulan sa Enero hangtod Marso ning tuiga.
RadyoMaN Jason Amisola
