Davao City- Gikatakdang makigpulong ang Calinan Police Station ngadto sa mga Indigenous People (IPs) sa pagbawal sa pagdala’g hinagiban partikular na sa downtown Davao.
Sa interbyu sa DXDC kang Police Major Ricky Obenza, Calinan Police Station Commander, tumong sa maong dayalogo aron mapasabot ngadto sa mga IPs nga malikayan nga masubli ang linuog nga insidenteng nahitabo sa Brgy. Lacson, Calinan.
Himuon ang aktibidad karong semanaha human nga malubong ang mga pulis nga biktima sa pagpanigbas ug pagpamusil patay nga sila PSMG Tito Lague ug PCPL Mark Anthony Corsino.
Giklaro ni Obenza dili bawal ang paggamit sa mga hinagiban diha sa pag-uma sa Calinan.
Nakigkoordinar si Obenza ngadto sa Public Safety and Security Office (Office) para sa maong programa subay sa pag-enhance pa sa seguridad sa Calinan District.
RadyoMaN Aimee Guinita
Facebook Comments
