Roxas City, Capiz- Natalana nga magatagbalay ang probinsya sang Capiz kag syudad sang Roxas sang DAYAW 2018: The Philippine International Indigenous Peoples Festival sa maabot nga Oktubre 8 tubtob 10, 2018.
Ang bulan sang Oktubre ang ginakabig nga National Indigenous Peoples Month. Ini ang base sa Proclamation No. 1906 s. 2009.
Sa amu nga kahiwatan, ginaekspektar nga ini ang pasakopan sang mga nagkatuhay nga mga cluster groups sang mga indigenous people communities halin sa nagkatuhay nga bahin sa pungsod Pilipinas.
Diri, igapasundayag sang mga ini ang ila mga traditional attires, cuisines, crafts samtang mangin balantayan man ang mga cultural performances sa venue sa Villareal Stadium kag iban pa nga mga outreach cultural performances sa guha sang Roxas City.
Mahimo man nga malantaw ang mga traditional nga mga pahampang sang kada grupo sang indigenous peoples kag ginpangtukod nga mga traditional houses sa Capiz Ecopark, Cuartero Capiz.
Ang DAYAW 2018 celebration ang may yara sang tema nga “Celebrating Heritage of Creative Communities.
